बॉलिवूड अभिनेत्री मलायका अरोरा चित्रपटांमध्ये दिसण्यापूर्वी मॉडेलिंग करायची. यशस्वी मॉडेलिंग कारकीर्दीनंतरच तिला एमटीव्हीच्या बहुचर्चित शो सुपरमॉडेल ऑफ द इयरला न्याय देण्याची संधी मिळाली. मलायका अरोराने मॉडेलिंग करिअरमध्ये प्रचंड यश मिळवले आहे. हेच कारण आहे की, दुसऱ्या सत्रात देेेखील मलायका अरोरा न्यायाधीश म्हणून खुर्चीवर बसलेली दिसणार आहे.
मलायका अरोरा नवीन सीजनबद्दल खूप उत्साहित आहे. आणि यासोबतच तिने तिच्या मॉडेलिंग कारकिर्दीतील चढ-उतारांबद्दलही मोकळेपणाने बोलले आहे. मीडियाशी बोलताना मलायका अरोराने सांगितले की प्रत्येकजण एक मॉडेल असू शकतो. पण एक सुपरमॉडल फक्त तोच बनू शकतो ज्यात समाजाची विचारसरणी मोडण्याची ताकद असेल आणि समाजाने निर्माण केलेल्या सीमा ओलांडण्याचे धैर्य असेल.
तिच्या मॉडलिंग प्रवासाबद्दल बोलताना मलायका सांगते की तिने अगदी लहानपणापासूनच मॉडेलिंगला सुरुवात केली होती. मलायका सांगते की, 90 च्या दशकात तिची व्हिडिओ जॉकीसाठी निवड झाली होती. हा तीच्या कारकिर्दीचा टर्निंग पॉईंट ठरला. मलायका पुढे सांगतेे की यानंतर तिने मॉडेलिंगच्या दुनियेत करिअर करण्याचा विचार केला आणि तिच्यासाठी अनेक दरवाजे ही उघडले गेले.
अभिनेत्री मलायका अरोरा ‘गुर नाल इश्क मीठा’ सारख्या अनेक जाहिराती, अल्बम, गाण्यांमध्येही दिसली. मात्र, मलायका अरोराला 1998 मध्ये रिलीज झालेल्या शाहरुख खान स्टारर ‘दिल से’ च्या ‘छैय्या छैैय्या …’ या ट्रॅकमधून ओळख मिळाली. या गाण्याने तीची कारकीर्द पूर्णपणे बदलली. तिचे सुरुवातीचे दिवस आठवत मलायका अरोराने सांगितले की, तिने झटपट पैसे कमवण्याच्या उद्देशाने मॉडेलिंगच्या जगात प्रवेश केला होता.
मीडियाशी बोलताना मलायका अरोरा सांगते की ‘मी लहान वयातच मॉडेलिंगच्या जगात प्रवेश केला होता. हे काम खूप कठीण आणि आव्हानात्मक होते. मी कोणत्याही आशेशिवाय या क्षेत्रात करिअर करण्यासाठी आले होते. मला वाटले की येथे झटपट पॉकेट मनी मिळवण्याची उत्तम संधी असू शकते. मला हे कधीच माहित नव्हते की, याप्रकारे माझे करिअर बनेल.
