२०० कोटी रुपयांच्या मनी लॉन्ड्रिंग प्रकरणातील आरोपी ठग सुकेश चंद्रशेखर आणि बॉलिवूड अभिनेत्री जॅकलिन फर्नांडिस यांचे नाते पुन्हा एकदा चर्चेचा विषय बनले आहे. शनिवारी अंमलबजावणी संचालनालयाने (ईडी) जॅकलिन फर्नांडिसची ७.२७ कोटी रुपयांची मालमत्ता जप्त केली. फसवणूक करणारा सुकेश चंद्रशेखर याने अभिनेत्रीला ५.७१ कोटी रुपयांच्या भेटवस्तू देण्यासाठी खं’डणीचा वापर केल्याचे ईडीचे म्हणणे आहे.
इतकंच नाही तर कॉनमनने जॅकलिनच्या कुटुंबाला महागड्या भेटवस्तू, 1.32 कोटी आणि 15 लाखांचा निधीही दिला होता. ठग सुकेश चंद्रशेखरच्या प्रकरणात जॅकलिनचे नाव आल्यापासून ही अभिनेत्री वादात सापडली आहे.बॉलिवूड फिल्म इंडस्ट्रीतील दोन प्रसिद्ध अभिनेत्री जॅकलिन फर्नांडिस आणि नोरा फतेही सध्या अनेक समस्यांना तोंड देत आहेत.
कारण त्याच्यावर देशातील सर्वात मोठ्या ठगांपैकी एक सुकेश चंद्रशेखर यांच्याकडून करोडो रुपयांच्या महागड्या भेटवस्तू घेतल्याचा आरोप आहे. टीव्हीच्या वृत्तानुसार, सुकेशने अभिनेत्री जॅकलिन फर्नांडिसच्या कुटुंबीयांना अनेक महागडी वाहने आणि हिरेही भेट दिले आहेत. या प्रकरणी अंमलबजावणी संचालनालयाने अभिनेत्रीची अनेकदा चौकशीही केली आहे.
तिहार तुरुंगातून 200 कोटींच्या खंडणीचे प्रकरण समोर आल्यावर अचानक खळबळ उडाली. या संपूर्ण प्रकरणात जॅकलिनचेही नाव पुढे आले होते. तिने सुकेशकडून अनेक महागड्या भेटवस्तू घेतल्याची कबुली खुद्द अभिनेत्रीने दिली आहे. आता सगळ्यांच्या मनात एकच गोष्ट आहे की सुकेश बॉलिवूड अभिनेत्रींवर इतका पैसा का खर्च करायचा. त्याचे रहस्यही उलगडले आहे.
रिपोर्टनुसार, जॅकलिन फर्नांडिस आणि मुकेश चंद्रशेखर यांच्यात जवळीक वाढत होती. या दोघांचे काही पर्सनल फोटोही समोर आले होते ज्यात दोघे एकमेकांना कि’स करताना दिसले होते. प्रसारमाध्यमांमध्ये सांगण्यात आले की, त्याने आपल्या टार्गेटला धमकावण्यासाठी आणि त्यांचा विश्वास जिंकण्यासाठी सेलिब्रिटींसोबतच्या फोटोंचा वापर केला.
त्याच सुकेशचे वकील अनंत मलिक यांनी जॅकलिन आणि त्याच्या क्लायंटबद्दल सांगितले की, दोघेही प्रेमसंबंधात होते. जेव्हा अंमलबजावणी संचालनालयाने जॅकलीन फर्नांडिस आणि नोरा फतेही यांना चौकशीसाठी बोलावले तेव्हा दोघांनीही सुकेशशी काहीही संबंध नसल्याचा दावा केला.
तिहार तुरुंगात असतानाही सुकेश जॅकलिनशी फोनवर बोलत असे. या दोघांमध्ये जानेवारी 2021 मध्ये चर्चा सुरू झाली. दोघांनीही चेन्नईतील एका हॉटेलमध्ये रात्र काढली आहे. अभिनेत्री चेन्नईला जाण्यासाठी सुकेशने चार्टर्ड फ्लाइट बुक केली होती.
